2022年無「年三十」？
2022-01-31 17:29:52
「賣懶！賣懶！賣到年三十晚！」過年前經常聽到呢句說話，你又知唔知點解？而今年又只有年廿九，唔通可以繼續賣懶？！
「年三十」歲晚傳統夜會同屋企人聚首一堂食團年飯同湯丸，寓意團團圓圓。 食完團年飯，小朋友就會去「賣懶」，即係一邊拿拎住燈籠、一炷香和紅雞蛋，一邊唱「賣懶～賣懶～賣到年三十晚，人懶我唔懶。」，象徵將去年嘅懶惰陋習戒除，新一年要勤奮向上，之後再將紅雞蛋吃掉。
「年三十」傳統習俗要做咩？

除咗「賣懶」，古時傳統更會喺年三十「守歲」，放炮仗趕走年獸。去到今時今日發生疫情前，大家都會在喺年三十晚逛花市，更會有信眾準備喺廟宇前排隊，等候上頭炷香，拎「頭彩」，祈求新年事事如意。 不過由於疫情反覆，如果大家想去拜神就記得要留意各廟宇嘅開放時間同防疫最新安排呀！
點解「年三十」會消失？

決定農曆新年歲晚日子原來跟月亮圓缺有關！ 月亮圓缺一個周期稱名「朔望月」，這周期平均長度為29.53日。由於出現不完整嘅一日，於是就會有29日小月及30日大月之分。如果遇上臘月（即農曆12月）係小月，就會無年三十，而今年正正就係依個情況，所以只有年廿九。
今年雖然沒有年三十晚，但年三十嘅習俗都可以進行！
分享文章